F-35 əfsanəsi bitdi – Rüsvay edən yoxlama

Belçika ordusunun ABŞ-dan sifariş etdiyi F-35 qırıcılarının qüsurlu olduğu ortaya çıxıb. Avtosfer.az Axar.az-a istinadən xəbər verir ki, bu barədə Vaşinqtonda yerləşən POQO araşdırma qrupunun hesabatında deyilib.

Hazırlanan 14 səhifəlik hesabat artıq Pentaqona təhvil verilib. Hesabatda təyyarələrin döyüşə yararlı olmadığı, uçuş zamanı pilotları təhlükədə qoyacağı bildirilib.

İstismar standartlarına uyğun olmayan təyyərələr, həmçinin, dözümlülük testlərindən də keçə bilməyib. Araşdırma təyyarələrdə çatların meydana gəldiyini göstərib. “Lokid Martin” şirkəti hər bir təyyarə üçün 8 min uçuş saatı ömür təyin etsə də, hesabatda bunun mümkünsüz olduğu qeyd edilib. Araşdırma həmçinin F-35-lərin kompüter sisteminin də asanlıqla kiber hücuma məruz qala biləcəyini təsdiqləyib.

Hesabatın diqqətçəkən məqamlarından biri də F-35 qırıcılarının döyüş hazırlığı testləri olub. Demək olar ki, istənilən bölgəsində problem aşkarlanan F-35-lərin raketləri hədəfə dəqiq zərbə endirə bilməyib. Hesabatda buraxılan raketlərin hədəfdən sağa sapdığı, bunun isə döyüş meydanında müttəfiq qüvvələri vurmaq riskinə gətirib çıxardığı qeyd edilib.

Qeyd edək ki, Belçika 2025-ci ilə qədər 34 ədəd F-35 qırıcısı almağı planlaşdırır.