"Facebook" Yeni Zelandiyada baş verən teraktın 1,5 milyondan artıq videosunu silib

"Facebook"un əməkdaşları Yeni Zelandiyada məscidlərə edilən hücumların sosial şəbəkədə yerləşdirilən 1,5 milyondan artıq videosunu siliblər. Avtosfer.az-ın Trend-ə istinadən verdiyi məlumata görə, bu barədə sosial şəbəkənin rəsmi nümayəndəsi Miya Qarlik bildirib.

M.Qarlik deyib: "İlk 24 saat ərzində 1,5 milyon video silinib. Onların 1,2 milyonu yüklənmə mərhələsində silinib".

Rəsmi nümayəndə qeyd edib ki, sosial şəbəkənin əməkdaşları bu istiqamətdə işlərini davam etdirirlər.