Fransanın nəqliyyat sistemi iflic olub

Böyük Britaniyanın “Brexit” məsələləri Fransanın nəqliyyat sistemində problemlər yaradıb. Avtosfer.az  Azərtac-a istinadən xəbər verir ki, gömrük xidmətlərinin sosial vəziyyətinin möhkəmləndirilməsi ilə bağlı etiraz tətili Fransanın Böyük Britaniya istiqamətində bütün nəqliyyat növlərində problem yaradıb. Gömrükçülərin UNSA-CGT-CFDT həmkarlar ittifaqları gecə saatları, təhlükəli anlar üçün əlavə ödəniş və əlavə səhiyyə xərclərinin 50 faizinin dövlət tərəfindən ödənilməsi tələbləri ilə tətil edirlər.

Parisin Şimal vağzalında sürət qatarlarının 2 saat gecikdiyi, qatarları gözləyən sərnişin növbəsinin uzandığı bildirilir. Şəhərin cənubundakı Orli aeroportunda da uçuşların pozulduğu qeyd olunur. “Brexit” məsələsi ilə bağlı gömrükçülər əlavə vəsait tələb edirlər.