Gəncə sakinindən silah-sursat və narkotik götürülüb - FOTO

Gəncə şəhər sakinindən silah-sursat və narkotik götürülüb. Bu barədə DİN-in mətbuat xidmətinin Gəncə regional qrupundan Avtosfer.az-a məlumat verilib. Belə ki, Gəncə Şəhər Baş Polis İdarəsinin əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində Gəncə şəhər sakini, əvvəllər məhkum olunmuş, 31 yaşlı Orxan Əliyev saxlanılıb. İdarədə onun üzərinə baxış keçirilən zamanı sandıqçasında 5 ədəd patron olan “Makarov” tipli tapança, əlindəki sellofan torbada isə 1 kiloqram 211 qram çəkidə narkotik vasitə olan qurudulmuş marixuana və 411 qram çəkidə narkotik vasitə hesab edilən tiryək aşkar olunaraq götürülüb.

Faktla bağlı araşdırma aparılır.