Gəncədə maşının vuraraq öldürdüyü piyadanın şəxsiyyəti məlum olub

Gəncə şəhərində "Mercedes" markalı avtomobil tərəfindən vurularaq ölən piyadanın şəxsiyyəti müəyyənləşib. Avtosfer.az "Report"a istinadən xəbər verir ki, bu, 1952-ci il təvəllüdlü Əli Məmmədovdur. Hadisə şəhərin Şah İsmayıl Xətai prospektində yerləşən marketlərdən birinin önündə baş verib.

***11 Mart/22:59

Gəncədə piyadanın ölümü ilə nəticələnən yol qəzası baş verib. Şəhərin Şah İsmayıl Xətai prospektində yolu qarşı tərəfə keçmək istəyən 55-60 yaşlı kişini avtomobil vurub. Ağır bədən xəsarətləri alan piyada xəstəxanaya aparılsa da, onun həyatını xilas etmək mümkün olmayıb.

Faktla bağlı araşdırma aparılır.