Geomaqnit sahənin sakit rejimdə qalacağı gözlənilir

Azərbaycan Milli Elmlər Akademiyası Nəsirəddin Tusi adına Şamaxı Astrofizika Rəsədxanası fevralın 4-dən 6-dək kosmik hava durumunu açıqlayıb. Avtosfer.az xəbər verir ki, Rəsədxanadan bildirilib ki, geomaqnit sahə son 24 saat ərzində nisbi sakit olub. Günəş fəallığı növbəti üç gün ərzində (fevralın 4-dən 6-dək) çox aşağı səviyyədə olacaq. 2 MeV-dən çox enerjili elektron selinin proqnoz dövründə yüksək səviyyədə qalacağı, 10 MeV-dən çox enerjili proton selinin fon səviyyələrində davam etməsi gözlənilir.

Günəş küləyi parametrlərinin nominal səviyyədə qalacağı, geomaqnit sahənin ümumən sakit rejimdə olacağı proqnozlaşdırılır.