Goranboyda qəza törədən sürücünün məhkəməsi başlayıb

Gəncə Ağır Cinayətlər Məhkəməsində Goranboyda 1 nəfərin ölümü, 3 nəfərin yaralanmasına səbəb olan sürücü Vüsal Bayramovun cinayət işi üzrə məhkəmə iclası başlayıb. Avtosfer.az-ın "Report"a istinadən xəbərinə görə, hakim Elmin Hüseynovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.

Məhkəmənin baxış iclası mayın 27-nə təyin edilib.

Qeyd edək ki, hadisə ötən il Goranboy rayonu Dəliməmmədli şəhəri ərazisində qeydə alınıb. Belə ki, “Suzuki” və “VAZ-21011” markalı avtomobillər toqquşub.

Qəza nəticəsində 1982-ci il təvəllüdlü Aidə Məhəmməd qızı Abdullayeva ölüb.

Bundan əlavə, 1997-ci il təvəllüdlü Əlikram Əlihüseyn oğlu Sadıqov, 1993-cü il təvəllüdlü Vüsal Çingiz oğlu Bayramov, Gürcüstan vətəndaşı, 1990-cı il təvəllüdlü Rauf Cəmil oğlu Talıbov müxtəlif dərəcəli bədən xəsarətləri alıblar.