Göyçayda avtomobil və ev yanıb - FOTO

Göyçayda avtomobil və ev birlikdə yanıb. Avtosfer.az "Report"a istinadən xəbər verir ki, hadisə Şəhadət kəndində qeydə alınıb. Kənd sakini, 1975-ci il təvəllüdlü Vaqif Əliyev "QAZ-53" markalı yük avtomobili ilə həyətyanı sahəsinə ot gətirən zaman avtomobil həyətyanı ərazidəki elektrik cərəyan xəttinə toxunub və cərəyanın təsirindən yanğın baş verib. Nəticədə avtomobil və onun yük yerindəki 1 ton ot alışıb. Alov bir qədər sonra ona məxsus evə keçib, bu zaman evin də bir hissəsi yanıb. Əraziyə Göyçay Rayon Dövlət Yanğından Mühafizə hissəsinin 2 avtomobili və canlı qüvvəsi cəlb olunub və alovun qarşısı alınıb. Yanğın yanğınsöndürənlər tərəfindən söndürülüb. Faktla bağlı araşdırma aparılır.