Göygöldə vəhşi heyvanlar tərəfindən parçalanan kişi meyiti tapılıb

Göygöl rayonunda kişi meyiti tapılıb. Avtosfer.az-ın "Report"a istinadən məlumatına görə, meyit rayonun Nadil kəndi ərazisində aşkarlanıb.

Bədəninin müxtəlif hisaələri vəhşi heyvanlar tərəfindən yeyilmiş-didilmiş hala salınan meyit tibbi-ekspertizaya aparılıb. Aparılan araşdırma zamanı onun 1963-cü il təvəllüdlü Zaməddin Misir oğlu Zeynalov olduğu məlum olub.

Yaxınlarının bildirdiyinə görə, Z.Zeynalov 1 həftə öncə itkin düşüb.

Onun hansı şəraitdə öldüyü, məsələdə cinayət olub-olmadığı hələ məlum deyil.

Faktla bağlı Göygöl rayon Prokurorluğunda araşdırma aparılır.