Güclü duman Biləsuvarda nəqliyyatın hərəkətini çətinləşdirib

Biləsuvar rayonunda dumanlı hava şəraiti nəqliyyatın hərəkətini çətinləşdirib. Avtosfer.az-ın "Report"a istinadən məlumatına görə, duman axşam saatlarından etibarən Biləsuvar rayonu ərazisində müşahidə edilir. Görmə məsafəsi xeyli azaldığından nəqliyyat vasitələri aşağı sürətlə hərəkət edir. Dumanlı hava şəraiti həmçinin yeni Ələt-Astara avtomobil yolunun Biləsuvar rayonundan keçən hissəsində də müşahidə olunur.