Gül mağazalarının qarşısında izdiham yaşanıb - VİDEO

8 Mart Beynəlxalq Qadınlar Gününə bir gün qaldığından gül mağazalarında sözün əsl mənasında izdiham yaşanıb. Bəzi insanlar uzun müddət növbə gözləyiblər. Avtosfer.az-ın Xezerxeber.az-a istinadən məlumatına görə, güllərin qiymətləri isə sayına görə dəyişir. Məsələn, 1 ədəd qızılgülün qiyməti 5 manatdan başlayır. Gül buketlərinin qiymətləri isə 30, səbətlərin isə 40-50 manatdan başlayır. Bu arada, 8 Mart münasibəti ilə paytaxtdakı restoranlar da hazırlıqlara başlayıblar. Bəzi restoranlar müştərilər üçün standart menyular müəyyən edib. Həmin menyulara yemək, içmək və şou-proqram daxildir. Sabah üçün xüsusi proqram təşkil edən restoranlarda yerlərin azı 80 faizi dolub.