Gürcüstanda qripdən ölənlərin sayı 11 nəfərə çatıb

Gürcüstanın Qori şəhərində 22 yaşlı qadın qrip virusunun ağır formasından ölüb. Avtosfer.az-ın “Report”a istinadən xəbər verir ki, qadında əvvəllər şiş olub və o, bir neçə dəfə əməliyyat keçirib. Qadının ölümünə “donuz qripi” adlandırılan A (H1N1) virusunun səbəb olması laboratoriya şəraitində hələ təsdiq olunmayıb.

Xatırladaq ki, Gürcüstanda “donuz qripi”ndən artıq 10 nəfər ölüb. Ölkədə A (H1N1) virusuna 158 yoluxma halı təsdiq olunub. Bu gündən etibarən Tbilisidə beş klinika 24 saatlıq iş rejiminə keçib.