“Halal” nişanlı kolbasada donuz ətinin olduğunu vətəndaş İFŞA ETDİ - VİDEO

Marketlərdən birində satışda olan “Ovuçular” firmasının “Oxotniçyi” kolbasası ilə bağlı narazılıq yaranıb. 

Avtosfer.az xəbər verir ki, məhsulu alan vətəndaş bildirib ki, qablaşdırmanın üzərində “halal” nişanı olsa da tərkib siyahısında donuz əti və donuz piyinin qeyd edilməsi onu təəccübləndirib.

Alıcının sözlərinə görə, məhsulun etiketində mal əti, toyuq əti ilə yanaşı donuz əti və donuz piyinin də adı göstərilib. Bu isə halal işarəsi ilə satışa çıxarılan məhsulun uyğunluğu ilə bağlı sual yaradıb. Vətəndaş məsələni istehzalı şəkildə şərh edərək “yəqin bu, halal kəsilmiş donuz ətidir” ifadəsini işlədib.

Qida təhlükəsizliyi sahəsində mütəxəssislər bildirirlər ki, halal nişanı olan məhsulların tərkibi ilə bağlı hər hansı uyğunsuzluq ciddi araşdırılmalıdır.
Hadisə istehlakçılar arasında məhsul etiketlərinin daha diqqətlə oxunmasının vacibliyini bir daha gündəmə gətirib.

Eltac Zülfüqaroğlu