Hava yolu şirkəti səvfən 16 min dollarlıq biletləri 1512 dollara satdı

“Cathay Pacific” beynəlxalq hava yolu şirkəti iki həftə içində ikinci dəfədir ki, biznes klass biletlərini səhvən ekonom klass qiymətinə satıb. Sərnişinlər Honq-Konqdan Lissabona həyata keçirilən uçuşlar üçün normalda 16 min dollara olan biletlərə 1512 dollar ödəyiblər.

Avtosfer.az xarici mətbuata istinadən xəbər verir ki, şirkət sistemdəki problemin haradan qaynaqlandığının araşdırıldığını, satılan biletlərin ləgv olunmayacağını bildirib və bu vəziyyətdə neçə biletin satılıdığını da açıqlamayıb.

Qeyd edək ki, analoji hadisə eyni şirkətdə iki həftə əvvəl də baş vermişdi. Belə ki, 16 min dollarlıq biznes klass Vyetnam-Nyu-York biletlərini 675 dollara satmışdı. Şirkət həmin zaman da bilətləri ləğv etməmişdi.

Keçən il mülkü aviasiya tarixinin ən böyük kiber hücümunda “Cathay Pacific”in 9.4 milyon müştərisinin şəxsi məlumatları oğurlanmışdı.

Sentyabrda da bir təyyarəyə şirkətin adının səhv yazılıdığı məlum olmuşdu. Təyyarəyə “Cathay Pacific” yerinə “F” hərfi yaddan çıxaraq “Cathay Paciic” yazılmışdı.

Martda üst-üstə ikinci dəfə zərərini açıqlayan şirkət, yenidən qazanc əldə etməyə çalışır.

Namiq