Hotelə hücum oldu: 11 ölü - VİDEO

Keniyanın paytaxtı Nayrobidə “DusitD2” adlı hotelə hücum olub. Avtosfer.az “Qafqazinfo”ya istinadən xəbər verir ki, “Əş-Şəbab” terrorçu qruplaşmasının üzvləri hoteldə öncə partlayış törədiblər, daha sonra silahlı basqın ediblər. Dərhal hadisə yerinə çağırılan polis əməkdaşları ilə terrorçular arasında atışma olub. Atışma zamanı 11 nəfər ölüb. Yaralıların sayı məlum deyil. Hücum edən terrorçuların sayı bilinməsə də, onların zərərsizləşdirildiyi açıqlanıb. Hoteldə və ətraf binalardakı sakinlər bölgədən təxliyyə ediliblər.