İçindən heç kimin sağ çıxmadığı təyyarənin qara qutusu tapıldı

Efiopiyada axtarış qrupu ötən gün qəzaya uğramış “Ethiopian Airlines” hava yolları şirkətinə aid “Boeing 737” təyyarəsinin qara qutusunu aşkarlayıb. Avtosfer.az Oxu.az-a istinadən xəbər verir ki, bu barədə yerli “Fana” telekanalı məlumat yayıb.

Xatırladaq ki, bazar günü Debre-Zeyt (Efiopiya) şəhəri yaxınlığında qəzaya uğramış “Boeing 737” təyyarəsinin göyərtəsində səkkizi ekipaj üzvü olmaqla, 157 nəfər olub. Qəzadan heç kim sağ çıxmayıb.