İki avtomobili kreditə götürüb pulunu ödəməyən şəxs saxlanılıb

O, Saratov vilayətindəki avtosalonlardan birindən kreditə iki avtomobil alıb, amma sonradan ödənişləri dayandıraraq kreditorlardan gizlənməyə başlayıb. Dağıstanda hüquq-mühafizə orqanlarının əməkdaşları sərhədçilərlə birgə keçirilən əməliyyat nəticəsində külli miqdarda fırıldaqçılığa görə 2017-ci ildə beynəlxalq axtarışa verilmiş azərbaycanlını saxlayıblar. Avtosfer.az xəbər verir ki, bu barədə "Report" Rusiya KİV-inə istinadən xəbər verir. Şübhəlinin sözlərinə görə, o, Saratov vilayətindəki avtosalonlardan birindən kreditə iki avtomobil alıb, amma sonradan ödənişləri dayandıraraq kreditorlardan gizlənib. Azərbaycanlı “Yaraq-Kazmalyar” buraxılış məntəqəsində saxlanılıb və həbs olunub.