İki mağazadan oğurluğa cəhdin qarşısı alınıb

Bakıda iki mağazadan oğurluğa cəhdin qarşısı alınıb. Bu barədə Avtosfer.az-a Daxili İşlər Nazirliyindən məlumat verilib. Belə ki, bir neçə gün əvvəl gecə saatlarında Nəsimi rayon Mühafizə idarəsi əməkdaşları tərəfindən xüsusi vasitələrlə qorunan Nəsimi rayonu H.B.Əliyev küçəsində yerləşən geyim və mobil telefonların satışı mağazasından Mərkəzi Mühafizə Məntəqəsinə “həyəcan” siqnalı daxil olub. İdarə əməkdaşları dərhal operativ reaksiya göstərərək hadisə yerinə çıxıb və hər iki obyektin giriş qapısını sındırmaq yolu ilə oğurluğa cəhd göstərən T.C. hadisə yerində saxlanılıb. Hadisəni törədən şəxs saxlanılıb aidiyyəti üzrə Nəsimi rayon Polis idarəsi 19-cu polis şöbəsinə təhvil verilib. Şöbədə araşdırma zamanı oğurluğa cəhd göstərən şəxsin yetkinlik yaşına çatmadığı məlum olub.

Faktla bağlı başlanan araşdırmalar davam etdirilir.