İndoneziya sahillərində 5,7 bal gücündə zəlzələ olub

İndoneziyanın Yava adasının cənubunda 5,7 bal gücündə zəlzələ olub. Avtosfer.az Azərtac-a istinadən xəbər verir ki, bu barədə fevralın 19-da Avropa-Aralıq dənizi Seysmoloji Mərkəzi məlumat yayıb. Bildirilir ki, yeraltı təkanların episentri ölkənin ikinci ən böyük şəhəri olan Surabayadan 288 kilometr cənubda, ocağı 40 kilometr dərinlikdə yerləşib. Dağıntılar və zərərçəkənlər barədə məlumat verilmir, sunami xəbərdarlığı elan edilməyib.