İndoneziyada 5,4 maqnituda gücündə zəlzələ olub

Bazar günü İndoneziyanın Sulavesi adası ərazisində 5,4 maqnituda gücündə zəlzələ olub. Avtosfer.az “Report”a istinadən xəbər verir ki, bu barədə Avropa-Aralıq dənizi Seysmologiya Mərkəzi məlumat yayıb. Bildirilir ki, yeraltı təkanların episentri Palu şəhərindən 130 km. cənub-şərqdə qeydə alınıb. Zəlzələnin ocağı yerin 60 km. dərinliyində olub. Dağıntı və tələfat barədə məlumat yoxdur.