İran ABŞ-ın bölgədəki hədəflərinə qarşı qisas əməliyyatı keçirib

ABŞ-nin zərbələrinə cavab olaraq İran ordusu Əl-Udeyr düşərgəsindəki ABŞ ordusunun sursat anbarına, eləcə də Küveytdəki Əli əl-Salim bazasındakı Patriot radarlarına kütləvi zərbələr endirib. Avtosfer.az "Teleqraf"a istinadən xəbər verir ki, bu barədə "Fars" agentliyi məlumat yayıb. Əl-Udeyr düşərgəsi ABŞ-ın bölgədəki ən vacib hərbi bazalarından biridir. Onun əməliyyatlarının pozulması bölgədəki hərbi dəstək əməliyyatlarına əhəmiyyətli dərəcədə təsir göstərərdi. Əli əl-Salem hava bazası ABŞ ordusunun bölgədəki hərbi və logistika strategiyasında əsas rol oynayır, bölgənin Qərbi Asiya hərbi qüvvələri üçün əsas nəqliyyat mərkəzidir. Ərbildəki ABŞ konsulluğu da PUA hücumuna məruz qalıb. Ərbildəki separatçı qrupların qərargahına da hücum edilib və böyük yanğın baş verib. Bundan əlavə, İran Ərbildəki Amerika Hərir hava bazasına, eləcə də BƏƏ və ABŞ qaz şirkətlərinə hücum edib.