İran sərhədində narkotik aşkarlanıb

İranın cənub-qərbində Sistan və Bəluçestan vilayətinin sərhədlərində 2,19 ton narkotik maddələr aşkarlanıb. Avtosfer.az-ın Trend-ə istinadən məlumatına görə, bunu İranın Sistan və Bəluçestan vilayətinin sərhəd qoşunları komandanı polkovnik Məhəmməd Mollaşahi deyib. M.Mollaşahinin sözlərinə görə, 3 sərhəd zolağında narkotik qaçaqmalçılarla silahlı insident baş verib. M.Mollaşahi əlavə edib ki, qaçaqmalçılarla bir neçə saat toqquşmadan sonra 2 ədəd avtomobil, 9 ədəd motosiklet və 2 qaçaqmalçı saxlanılıb.