İranda güclü qar və çovğun

İranın 14 vilayətində güclü qar və çovğun baş verib. Dağlıq ərazilər və yollarda 1800 vətəndaşa köməklik göstərilib. Avtosfer.az-ın Trend-ə istinadən məlumatına görə, bunu İranın Yardım və Xilasetmə Təşkilatının sədri Murtaza Səlimi deyib. Onun sözlərinə görə, ötən 48 saat ərzində 14 vilayət - Həmədan, Mazandaran, Lorestan, Kürdüstan, Qəzvin, Simnan, Zəncan, Xuzistan, Çahar-Mahal və Bəxtiyari, Əlborz, İsfahan, Ərdəbil, Şərqi Azərbaycan və Qərbi Azərbaycan vilayətində güclü qar yağıb və çovğunlar baş verib.

Səlimi əlavə edib ki, çoxlu sayda vətəndaşa da müvəqqəti məkanlarda yerləşdirilib. 3 sərnişin xəsarət alıb və yaxınlıqdakı tibb məntəqəsinə yerləşdirilib. 275 avtomobil isə qardan çıxarılıb.