İranda sel və daşqın: 2 kənd boşaldıldı

İranın Xuzistan vilayətində sel və daşqınlar nəticəsində 2 kənd təxliyə edilib. Avtosfer.az-ın Trend-ə istinadən məlumatına görə, bunu İranın Xuzistan vilayəti Qırmızı Aypara Cəmiyyəti İdarəsinin direktoru Əli Xudadadi deyib. Xudadadinin sözlərinə görə, kəndlərin əhalisi müvəqqəti sığınacaqlarda yerləşdirilib. Eləcə də Şuş və Dəşt-Azadeqan rayonlarında 22 kənd və 2 şəhər daşqın təhlükəsi ilə üzləşib.