İranın cənubunda yarım tondan çox narkotik aşkarlandı

İranın cənubunda yerləşən Buşehr vilayətinin Əsəluyə rayonunda 630 kq tiryək aşkarlanıb. Avtosfer.az-ın Trend-ə istinadən məlumatına görə, bunu İranın Buşehr vilayətinin polis rəisi Xəlil Vaezi deyib.

X.Vaezinin sözlərinə görə, narkotik qaçaqmalçıları yükü dənizdən quruya, sonra isə Əsəluyədən qonşu vilayətlərin birinə nəql etməyə cəhd ediblər.

Hadisə ilə bağlı bir nəfər saxlanılıb.

Polis rəisi cari ilin əvvəlindən indiyədək Buşehr vilayətində 720 kq narkotik maddənin aşkarlanaraq götürüldüyünü deyib.