İspaniya təyyarəsi Barselonada məcburi eniş etdi - Bomba həyəcanı

İspaniyanın “Vueling” aviaşirkətinin təyyarəsi Barselona hava limanında məcburi eniş edib. Avtosfer.az-ın Trend-ə istinadən məlumatına görə, buna səbəb göyərtəyə bomba qoyulması ilə bağlı xəbərdarlıq olub. Qeyd olunur ki, təyyarə Parisdən İbisa kurortuna uçuş həyata keçirirmiş.

Təyyarə eniş etdikdən sonra sərnişinlər və heyət üzvləri təxliyə olunub vıə təyyarədə axtarış aparılıb. Xəbərdarlığın əsassız olduğu məlum olub. Hazırda məlumatın mənbəyi ilə bağlı araşdırma aparılır.