Kosmonavtın geyimi satışa çıxarılıb – FOTO

Kosmonavtların həyatı çox maraqlıdır. Aylarla Yer kürəsindən kənarda olurlar. Hərraclarda onların geyimlərinə də maraq böyükdür. Yuri Usaçevin kosmosdan gətirdiyi geyimi 500 min rubla (təxminən 7,5 min dollar) satılır. Amma bunu kosmonavtın özü satmır. Satıcı deyib ki, geyim ona konstruktor bürosunda işləyən atasından qalıb.

Qaydalara görə, kosmonavt kombinezonu 30 gün geyinir. Bu müddətdən sonra paltarı yenisi ilə dəyişmək lazımdır. Kombinezon da konstruktor bürosuna beləcə düşüb. Bu qiymətə təkcə paltar satılmır. Üstündə Usaçevin çantasını da verirlər.

Ümumiyyətlə, internetdə kosmonavt paltarı satılmasına çox rast gəlmək mümkündür. Məsələn, “eBay”da belə geyim təxminən 10 min dollara satılır. Usaçev 1994-cü ildə “Soyuz TM-18” gəmisi ilə kosmoca uçmuşdu. O, Yer kürəsindən kənarda 182 gün keçirmişdi. Kombinezonun da o vaxtdan qaldığı bildirilir. (Bizimyol.info)