Liepaya aeroportu yenidən qurulacaq

Latviyanın Liepaya aeroportu yenidən qurulacaq. Avtosfer.az Azərtac-a istinadən xəbər verir ki, yeniləmə işləri Bakı və Riqa aeroportlarının layihələrini hazırlayaraq həyata keçirən “UPB” Səhmdar Cəmiyyətinə tapşırılıb. Hələlik işlər hazırlıq mərhələsindədir. Layihəyə əsasən, aeroportun su təchizatı, kanalizasiya, istilik, elektrik sistemləri, keçid dəhlizləri, 200 nəfərlik sərnişin terminalı yenidən qurulacaq. Burada, həmçinin ölkənin aviaşirkəti olan “AirBaltic”in təyyarələri üçün yeni anqarların tikilməsi də nəzərdə tutulur.