Liviya hərbi hava qüvvələri Tripoli aeroportunu bombalayıb

Bu gün Liviya Milli Razılıq Hökumətinin başçısı Faiz Mustafanın rəhbərlik etdiyi hərbi hava qüvvələri Liviya Milli Ordusunun Tripoli Beynəlxalq hava limanı ərazisindəki mövqelərinə zərbələr endirib. Avtosfer.az "Report"a istinadən xəbər verir ki, bu barədə "Al-Arabiya" telekanalı məlumat verib. Tripoli Beynəlxalq hava limanına Feldmarşal Xəlifə Haftarın başçılıq etdiyi Liviya Milli Ordusu nəzarət edir. Tripoli Beynəlxalq aeroportu 2014-cü ildə gedən ağır döyüşlər zamanı tam dağıdılıb və artıq 5 ildir fəaliyyət göstərmir.

Qeyd edək ki, aprelin 4-də Xəlifə Haftar paytaxt Tripolinin silahlı qruplaşmalardan azad olunması üzrə hərbi əməliyyatın başladığını elan edib. Milli Razılıq Hökumətinin rəhbəri Faiz Sarac özünə tabe olan bütün hərbi birləşmələri tam döyüş hazırlığı səviyyəsinə gətirmək əmri verib.