Mağazadan oğurluğa cəhd göstərən dostlar saxlanılıb - FOTO

Abşeron rayonunda mağazadan oğurluq etmək istəyən şəxslər saxlanılıblar.  Avtosfer.az-ın “Report”a istinadən məlumatına görə, hadisə rayonun Novxanı kəndində qeydə alınıb. Belə ki, Abşeron rayon Polis idarəsinin əməkdaşları Nicat Vəliyev və Məhəmməd Gülverdizadəni iş başında yaxalayıblar. Araşdırma zamanı saxlanılan şəxslərdən biri - Nicat Vəliyevin Abşeron rayonun bir çox yerlərində, eləcə də Masazır kəndində mağazalardan oğurluq edərək vətəndaşlara maddi ziyan vurduğu da məlum olub. Faktla bağlı cinayət işi açılıb, araşdırmalar davam etdirilir.