Maşın bazarında atışma: 4 yaralı - FOTO

Türkiyənin Ankara vilayətində maşın bazarında silahlı atışma baş verib. Avtosfer.az İHA-ya istinadən xəbər verir ki, hadisə Keçiörən rayonunda qeydə alınınb.

Əldə edilən məlumata görə, rayonun Ovacıq məhəlləsində yerləşən avtomobil bazarına gələn 4 nəfər əli tüfəngli bazarın bir hissəsinə şərik çıxmaq istəyiblər. Satıcıların sərt reaksiyası ilə qarşılaşan quldurlar əllərindəki silahla atəş açmağa başlayıblar.

Nəticədə 4 nəfər güllə yarası alıb. Hadisə yerinə xeyli sayda polis və səhiyyə briqadaları gəlib.

Polis insidentlə bağlı bir neçə nəfəri həbs edib.

Araşdırmalar davam edir.

Namiq