Məcəlləyə dəyişiklik qüvvəyə minib: Ofisiant, bərbər və dərzilər sabit vergi ödəyəcəklər - VİDEO

Ofisiant, bərbər, dərzi fəaliyyəti ilə məşğul olan şəxslər gəlirindən asılı olmayaraq sabit vergi ödəyəcəklər. Avtosfer.az-ın məlumatına görə, bu Vergilər Məcəlləsində edilən dəyişiklikdə öz əksini tapıb. Yanvarın 1-dən etibarən iaşə obyektlərində müştərilərə xidmət göstərən fiziki şəxslər, yəni ofisiant, fərdi qaydada bərbər və dərzi fəaliyyəti ilə məşğul olan şəxslər də sadələşdirilmiş vergi ödəyicisi olublar. Məsələn, bərbərlər sadələşdirilmiş vergi üzrə aylıq - 20 manat ödəyəcəklər.

Dəyşikliklərdən xəbərdar olduqlarını bildirən bərbərlər aylıq qazanclarından aslı olmayaraq 20 manat vergi ödənişinin yaxşı olduğunu düşünürlər. Onlar bununla icarəyə götürdükləri obyektin aylıq kirayə pulunu və kommunal xərclərini rahat ödəycəklərini deyirlər.

Bərbərlərdən fərqli olaraq ofisiantlarda vergi ödənişi nisbətən çoxdur. Bundan sonra hər bir ofisiant gəlirindən asılı olmayaraq aylıq 30 manat vergi ödəməli olacaqlar. Yeniliyə ofisiantların münasibətləri birmənalı deyil. Bəziləri xüsusi aylarda onlara güzəşt tətbiq edilməsini istəyirlər.

Xidmət növü sayılan dərziliklə məşğul olanlar isə aylıq 10 manat vergi ödəyəcəklər.

Qeyd edək ki, məcəlləyə edilən bu dəyşikliklər ayın 1-dən qüvvəyə minib.