Mədən çökdü: 30 ölü

Əfqanıstanda qızıl mədəninin uçması nəticəsində ölənlərin sayı 30 nəfərə çatıb. Avtosfer.az “Report”a istinadən xəbər verir ki, bu barədə bazar günü "Tolo News" telekanalı məlumat yayıb. Məlumata görə, hadisə nəticəsində daha 15 nəfər yaralanıb və hazırda onların vəziyyəti ağırdır. Əraziyə xilasedicilər cəlb olunub. Torpaq altında mədənçilərin qalma ehtimalı var.

***14:51

Əfqanıstanın Bədəhşan əyalətində torpaq sürüşməsi nəticəsində 20-dən çox insan həyatını itirib. Bu barədə bazar günü "Sinhua" məlumat yayıb. Hadisənin təfərrüatları barədə hələ ki, məlumat yoxdur. Daha əvvəl Filippində leysan və torpaq sürüşməsi 120-dən çox sakinin həyatına son qoyub.