Məhkumlar 2,2 milyon manata yaxın maddi ziyan ödəyib

Ötən il Azərbaycanda məhkumlar tərəfindən cinayət nəticəsində vurulmuş 2,2 milyon manata yaxın maddi ziyan ödənilib. Avtosfer.az-ın ”Report”a istinadən xəbərinə görə, Nazirlər Kabinetinin 2018-ci il üzrə fəaliyyəti haqqında hesabatında bildirilir ki, cəzaçəkmə müəssisələrində ictimai faydalı əməyə cəlb edilən məhkumların sayı 5700-dən çox olub. Bununla yanaşı, həyata keçirilmiş əməliyyat tədbirləri nəticəsində penitensiar müəssisələrdə 715 cinayət hadisəsinin qarşısı alınıb.