Meksikada partlayış nəticəsində ölənlərin sayı 125-ə çatıb

Meksikada boru kəmərinin partlaması və yanması nəticəsində daha bir nəfər xəstəxanada həyatını itirib. Avtosfer.az “Report”a istinadən xəbər verir ki, bu barədə bazar günü Latın Amerikası ölkəsinin Sosial Sığorta İnstitutu məlumat yayıb. "Bu xəstəyə Mexiko şəhərinin ixtisaslaşdırılmış klinikasında yardım göstərilib", - deyə idarənin məlumatında bildirilir.

Belə olan halda, yanvarın 18-də baş vermiş faciə zamanı ölənlərin sayı 125 nəfərə çatıb. Onlardan 68-i hadisə yerində, qalanları isə xəstəxanalarda ölüb.