Məktəb direktorunun qoyunlarını canavar parçalayıb - Ağdaşda

Ağdaş rayonunda canavarlar xırda buynuzlu heyvanları parçalayıb. Avtosfer.az-ın ONA-ya istinadən xəbərinə görə bu gün rayonun Yenicə kənd orta məktəbinin direktoru Cəmil İbrahimova məxsus qoyunlar örüş sahəsində olarkən qəflətən canavarların hücumuna məruz qalıb. Yırtıcılar 2 baş qoyunu öldürüb, 3 baş qoyunu yaralayıb. Məlumata görə, iki gün öncə kəndin daha iki sakininə məxsus 7 baş qoyun canavar hücumuna məruz qalaraq tələf olub.