Metrobusda yer üstündə mübahisə bıçaqlanma ilə nəticələndi - FOTO

İstanbulun Bəylikdüzündə metrobusda yer üstündə baş verən mübahisədə bir nəfər bıçaqlanıb. Avtosfer.az Türkiyə mətbuatına istinadən məlumat verir ki, hadisə şahidlərin bildirdiyinə görə, metrobusda iki gənc yer üstündə mübahisə ediblər. Gənclərdən biri digərinə “bir az qabağa keç” deyib. Bu sözü özünə söyüş kimi qəbul edən şəxs onunla mübahisə etməyə başlayıb və yanında gəzdirdiyi bıçağı çıxararaq onu bıçaqlayıb. Tərəflər dayanacaqda eniblər.

Ayağından xəsarət alan gənc dayanacaqda yerə uzanaraq kömək istəyib. Hadisəni törədən şəxs isə qaçıb. Hadisə yerinə tibb və polis əməkdaşları çağırılıb. Yaralı Təcili Tibbi Yardım maşını ilə xəstəxanaya aparılıb. Onun vəziyyətinin yaxşı olduğu bildirilib.

Polis əməkdaşları qaçan gənci axtarır.

Namiq