Metroda qatarların gecikmə səbəbi bəlli oldu

Bu gün səhər saatlarında "Bakı  metropoliteni"ndə qatarların hərəkətində gecikmə olub. Avtosfer.az xəbər verir ki, bu barədə "Bakı Metropoliteni" Qapalı Səhmdar Cəmiyyətinin mətbuat katibi Bəxtiyar Məmmədov sputnik-ə açıqlamasında gecikmənin səbəbindən danışıb. Onun sözlərinə görə, metroda heç bir texniki nasazlıq olmayıb: "Xətdə heç bir nasazlıq yoxdur. Hər şey  qaydasındadır. Sadəcə, gecikməyə səbəb sərnişinlərin qatarı ləngitməsi, qapıları tutub saxlamasıdır. Bu səbəbdən də stansiyalara nəzarət gücləndirilib".