Metronun çıxışındakı bərbad səki təhlükə yaradır – ŞİKAYƏT – VİDEO

Bakının 20 Yanvar ərazisində aparılan abadlıq işləri ilə bağlı sakinlər narazılıq bildiriblər. Onlar piyada yollarının vəziyyətinin yaxşılaşdırılmasını və ərazidə görülən işlərin daha keyfiyyətli aparılmasını istəyirlər.

Avtosfer.az xəbər verir ki, Azərenerji ətrafında, 20 Yanvar ərazisində çəkiliş aparan vətəndaş piyada yollarının çala-çuxur olduğunu bildirib.

Vətəndaşın sözlərinə görə, xüsusilə yeraltı keçidə gedən yolda çala-çuxur piyadaların hərəkətini çətinləşdirir.

“Abadlıq işlərindən şikayət edəcəyəm. Üstünü bəzəməkdənsə, görülən işlər keyfiyyətli olsun. Yolu yarımçıq boyamaqla abadlıq olmur. Piyada yolları isə çala-çuxurdur. Alt keçidə gedənə qədər daşlar ayaqqabımızı kəsir. Xahiş edirəm, bu məsələ həllini tapsın”, – deyə sakin bildirib.

Sakinlər ərazidə piyada infrastrukturunun yenidən nəzərdən keçirilməsini və insanların rahat və təhlükəsiz hərəkəti üçün yol örtüyünün yaxşılaşdırılmasını istəyirlər.

Eltac Zülfüqaroğlu