Milli Məclisin ilk plenar iclasının vaxtı açıqlanıb

Azərbaycan Milli Məclisinin (MM) 2019-cu il yaz sessiyasının ilk plenar iclasının keçiriləcəyi tarix açıqlanıb. Avtosfer.az-ın “Report”a istinadən xəbərinə görə, iclas fevralın 1-i, həftənin cümə günü keçiriləcək. MM-in Daxili Nizamnaməsinə əsasən, sessiya mayın 31-dək davam edir. Xatırladaq ki, deputatların tətili yanvarın 15-də başa çatır. Həmin tarixdən etibarən parlament komitələrinin iclasları başlayır.