Mingəçevir REŞ-dən oğurluq edən şəxs saxlanılıb

Mingəçevir Regional Elektrik Şəbəkəsindən oğurluq edən şəxs saxlanılıb. Daxili İşlər Nazirliyindən Avtosfer.az-a verilən məlumata görə, Yevlax RPŞ əməkdaşlarının keçirdikləri əməliyyat-axtarış tədbirləri nəticəsində martın 16-da Xaldan qəsəbəsi ərazisində “Mingəçevir Regional Elektrik Şəbəkəsi” MMC-nin balansında olan və hazırda istismar olunmayan hava xəttinin 7 dayağının metal künclüklərini, habelə 2 dayağı bütövlükdə sökərək oğurlamaqda şübhəli bilinən qəsəbə sakini T.Yunusov saxlanılıb, daha bir nəfərin isə şəxsiyyəti müəyyən edilib.