Misirdə qatar qəzası ilə bağlı 6 nəfər həbs edilib

Misirin baş prokuroru Nabil Sadekin sanksiyası ilə paytaxt Qahirənin mərkəzində Ramzes adına Dəmir Yolu Stansiyasında xeyli sayda insan tələfatına səbəb olan qəzanın törədilməsində şübhəli bilinən altı nəfər həbs olunub. Avtosfer.az xəbər verir ki, bu barədə "Report" "Masrawy" portalına istinadən xəbər verir. Bildirilir ki, həbs edilənlər arasında stansiyanın texniki əməkdaşları da var. İş üzrə həmçinin əsas şübhəli şəxs – qatarı partlamış maşinist, eləcə də onun həmkarı həbs olunub. Həbs edilənlər arasında habelə maşinistlərin köməkçiləri də var.

Xatırladaq ki, fevralın 27-də, səhər saatlarında depodan gələn qatarın stansiyadakı örtülü platformaya dəyməsindən sonra yanacaq çəninin partlaması və baş verən güclü yanğın nəticəsində 28 nəfər ölüb, 50-dən artıq insan yaralanıb. Hadisə ilə əlaqədar ölkənin nəqliyyat naziri Hişam Ərəfat istefa verib.