Moskva aeroportlarında 70-ə yaxın reys ləğv olunub və ya gecikib

Rusiyanın paytaxtı Moskva şəhərinin beynəlxalq aeroportlarında 68 reys ləğv olunub və ya gecikib. Avtosfer.az “Report”a istinadən xəbər verir ki, bunu "Yandeks.Raspisaniya" xidmətinin məlumatları göstərir. Bakı vaxtı ilə 01.43-ə olan məlumata görə, Domodedovoda 8 reys ləğv olunub və 6-sı ləngiyib. Şeremetyevoda 42 reys gecikib, Vunukovoda 7 reys ləğv olunub və 5-i ləngimə ilə uçub.

Daha əvvəl şəhərdə güclü küləyin əsməyə başladığı məlumat verilib.