Moskva prospektində iki maşın toqquşub - FOTO

Moskva prospektinin Nəsimi rayonu ərazisindən keçən hissəsində (20 Yanvar metrostansiyası yaxınlığında) iki maşının toqquşması ilə nəticələnən yol qəzası olub. Avtosfer.az "Report"a istinadən xəbər verir ki, "90-CN-967" dövlət qeydiyyat nişanlı "Nissan" markalı avtomobil ötmə əməliyyatı zamanı sürət həddini aşıb və "90-GF-027" dövlət qeydiyyat nişanlı "VAZ-2107"ni vurub. Hadisə nəticəsində xəsarət alan olmasa da, hər iki maşına ciddi ziyan dəyib. Hazırda qəza səbəbindən 20 Yanvar metrostansiyası yaxınlığında tıxac yaranıb.