Müşviqabadda taksi sürücüsü sərnişini bıçaqlayıb

Abşeron rayonunda bıçaqlanma hadisəsi baş verib. Avtosfer.az-ın ONA-ya istinadən xəbərinə görə, hadisə Müşviqabad qəsəbəsində baş verib.

1985-ci il təvəllüdlü Ağayev Rəşid Fərman oğlu sərnişini olduğu taksidə sürücü ilə mübahisə edib.

Nəticədə o taksi sürücüsü tərəfindən bıçaqlanıb. Yaralı xəstəxanaya yerləşdirilib.

Faktla bağlı polis əməkdaşları araşdırma aparır.