Narkotik vasitələrin qanunsuz dövriyyəsi ilə məşğul olan şəxslər saxlanılıb

Cəlilabad rayon Polis şöbəsinin əməkdaşları tərəfindən keçirilən əməliyyat tədbirləri nəticəsində narkotik vasitələrin qanunsuz dövriyyəsi ilə məşğul olan rayon sakinləri saxlanılıb.

Avtosfer.az-ın "Report"a istinadən məlumatına görə, saxlanılan rayon sakini Səbuhi Məmmədovun üzərinə keçirilən baxış zamanı 1 bükümdə 1,054 qram narkotik vasitə - heroin aşkarlanaraq götürülüb.

Araşdırmalarla S.Məmmədova narkotiki satan şəxsin rayonun Astanabad kənd sakini Mirrahim Zülfüqarov olduğu müyyən edilib.

Keçirilən əməliyyat-axtarış tədbirləri ilə saxlanılan M.Zülfüqarovun üzərindən 2 bükümdə, ümumi çəkisi 16,307 qram narkotik vasitə - heroin aşkar edilərək götürülüb.

Faktla bağlı araşdırma aparılır.