Natiq Rəsulzadəyə yeni vəzifə verildi - ADY-də yeni təyinat

“Azərbaycan Dəmir Yolları” (ADY) QSC-də yeni kadr təyinatı olub.

Avtosfer.az-ın “Yeni Sabah”a istinadən xəbərinə görə, bununla bağlı qurumun sədri Rövşən Rüstəmov müvafiq əmr imzalayıb.

Əmrə əsasən, Natiq Rəsulzadə qurumun Yük daşımaları departamentinin rəis müavini vəzifəsinə gətirilib.

O, bundan əvvəl “Azərbaycan Dəmir Yolları”nın Marketinq və tarif siyasəti departamentinin müdir müavini və Biznes-analitika şöbəsinin müdiri vəzifələrində çalışıb.

“Azərbaycan Dəmir Yolları” QSC məlumatı təsdiqləyib və qeyd olunub ki, sözügedən əmr ötən ilin dekabrında imzalanıb.