Nəqliyyatsız gün keçiriləcək

London şəhərinin meri Sadiq Xan havanın çirklənməsinin qarşısını almaq məqsədilə sentyabrın 22-də nəqliyyatsız gün elan edib. Avtosfer.az Azərtac-a istinadən bildirir ki, mer London Bridge, Tower Bridge və şəhər ətrafında olan bəzi yerlərdə nəqliyyatın istifadəyə qapalı olacağını açıqlayıb. O bildirib ki, ilk dəfə şəhər mərkəzindəki yolların böyük hissəsi bağlı olacaq, bu da insanlara başqa vasitələrdən istifadə etmək imkanı yaradacaq.

Qeyd edək ki, havanın çirklənməsi ildə təxminən 40 min insanın erkən ölümünə səbəb olur.