"Nissan"ın sabiq rəhbərinə görə 9 milyon dollar girov qoyulub

"Nissan"ın sabiq rəhbəri Karlos Qona görə 1 milyard yen (8,9 milyon dollar) məbləğində girov qoyulub. Avtosfer.az xəbər verir ki, bu barədə "Report" "Reuters"ə istinadən xəbər verir.

Bildirilir ki, o, bununla 100 gündən çox həbsdə olduqdan sonra azadlığa çıxacaq.

Xatırladaq ki, "Renault"un köhnə baş direktoru Karlos Qon Yaponiyada həbs edilib və vəzifəsindən məhrum olunub. O, təxminən, 8 milyon avro məbləğində vəsaiti qanunsuz yolla mənimsəməkdə ittiham olunur. Daha əvvəl prokurorluq K.Qonun qeyri-qanuni yolla əldə edilən vəsait hesabına toyun pulunu ödədiyini sübuta yetirib. Qon pulun mənşəyindən xəbərsiz olduğunu iddia edir. O, dəymiş zərəri ödəməyə hazırlaşır.

Daha əvvəl Tokio məhkəməsinin Karlos Qonun girov qarşılığında sərbəst buraxılmasına qərar verdiyi bildirilirdi.