Novruz bayramı münasibətilə Avtovağzal ərazisində tədbir keçirilib - FOTO

Bakıdan rayonlara gedən sərnişinlərin təhlükəsiz şəkildə mənzil başına çatması üçün bu gün ekoloji nəzarət bölüyünün əməkdaşları, DANX və BBAK birgə tədbir keçirib. Dövlət Avtomobil Nəqliyyatı Xidmətindən Avtosfer.az-a verilən məlumata görə, tədbir zamanı sərnişinlə dolu avtobuslar xəttə çıxmazdan əvvəl saxlanılıb. Onların sənədləri yoxlanılıb. Sürücülərə tövsiyyələr verilib, yol hərəkəti qaydalarına əməl etmələrinin vacibliyini qeyd olunub. Eyni zamanda hava şəraitini nəzərə almaları ilə bağlı söhbətlər aparılıb. Baş Dövlət Yol Polisi İdarəsi tərəfindən hazırlanmış bukletlər sürücülərə verilib. Avtovağzal ərazisində təxminən 100-ə yaxın sürücü ilə maarifləndirici söhbətlər aparan YPX əməkdaşları yollarda da nəzarəti gücləndiriblər.

Namiq